Clicky

ہوم / اہم موضوعات / مصباح الحق نے ٹیسٹ کرکٹ کوبھی خیربادکہہ دیا

مصباح الحق نے ٹیسٹ کرکٹ کوبھی خیربادکہہ دیا

پاکستان کرکٹ ٹیم کے ٹیسٹ کپتان مصباح الحق نے ٹیسٹ کرکٹ سے بھی ریٹائرمنٹ کا اعلان کردیاہے۔دورۂ ویسٹ انڈیز اُن کے کیریئرکا آخری ٹورہوگا۔

ذرائع نے دعویٰ کیاہے کہ ویسٹ انڈیزکے خلاف ٹیسٹ سیریزکے بعد پاکستان کرکٹ بورڈ نے مصباح الحق کو ڈائریکٹر کرکٹ بنانے کا فیصلہ کیاہے جیساکہ انگلینڈنے 2015ء میں ریٹائرمنٹ کے بعد اینڈریواسٹروس کا ڈائریکٹر کرکٹ بنایا تھا۔

لاہور میں پریس کانفرنس کرتے ہوئے قومی ٹیسٹ ٹیم کے کپتان مصباح الحق کا کہنا تھا کہ ویسٹ انڈیز کے خلاف ٹیسٹ سیریز میرے کرکٹ کیرئیر کی آخری سیریز ہو گی، کوشش ہو گی کہ اس سیریز میں بہتر پرفارم کر کے اپنی آخری سیریز کو یادگار بناؤں۔ ان کا کہنا تھا کہ کیرئیر میں جتنی بھی کرکٹ کھیلی اس پر مطمئن ہوں لیکن پاکستان کے لئے ورلڈ کپ جیتنا میرا خواب تھا جو پورا نہ ہو سکا۔

مصباح الحق نے کہا کہ کپتان پر کسی قسم کا دباؤ نہیں ہونا چاہیئے، ہمیں سرفراز احمد پر زیادہ دباؤ نہیں ڈالنا چاہیئے بلکہ سب کو اسے سپورٹ کرنا چاہیئے۔ ان کا کہنا تھا کہ بھارت سے سیریز نہ ہونے پر افسوس ہے لیکن ریٹائرمنٹ کے بعد کچھ عرصے تک ڈومیسٹک کرکٹ کھیلتا رہوں گا۔

قومی ٹیسٹ ٹیم کے کپتان کا کہنا تھا کہ پی سی بی نے ہمیشہ مجھے سپورٹ اور اعتماد کیا جس پر ان کا شکریہ ادا کرتا ہوں۔ انہوں نے کہا کہ پاکستان نیوزی لینڈ کے خلاف ٹیسٹ سیریز جیت کر نمبر ون بنی تو یہ میرے لئے سب سے یادگار لمحہ تھا جب کہ بھارت کے خلاف ورلڈ کپ میں شکست ناقابل فراموش لمحہ تھا۔

واضح رہے کہ مصباح الحق نے 2011 میں ٹی ٹوئنٹی اور 2015 میں آسٹریلیا میں ہونے والے ورلڈ کپ کے بعد ون ڈے کرکٹ سے ریٹائرمنٹ کا اعلان کر دیا تھا۔ مصباح الحق کی قیادت میں پاکستان گزشتہ برس ٹیسٹ رینکنگ میں پہلی بار نمبر ون ٹیم بنی اور ان کی قیادت میں قومی ٹیم ہمیشہ یکجا ہو کر کھیلی۔

loading...

یہ متعلقہ مواد بھی پڑھیں

مصباح الحق نے تیز ترین ’مختصر اننگز‘کا عالمی ریکارڈ قائم کرڈالا

پاکستان کرکٹ ٹیم کے کپتان مصباح الحق نے اپنے کیریئر کی آخری سیریز کے آغاز …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے